والله الشهم عباس عالحومه من هد
خله الشجاع الچان جسمه ایتبرید
خله الشجاع الچان بالحومه یخلس
لمن یمربي طیف رجلینه تیبس
واللي يهد اعليهه لا ميتنفس
گبل الصواب ایطیح والروح تصعد
لمّن صعدهه او لاح بیهم فرسته
شمرت علي الكرار چانت شمرته
خلّه المعسکر طار بأسرع رکضته
واهل الخیول اتدوس فوگ المجنّد
عمي البطل عباس مثّل جهنّم
كلمن يطب ميدان ريحت حرگ شم
کیفه او لعب یولات طشرهم او لم
هذه او گبل یا صاح جرت المهنّد
من جرّه حتی الحوك بالبیده شارد
تالیهه عالی الصوت صاح المجاهد
هل من مبارز گال واطلعله مارد
یضحك غده العباس بالصيده عيّد
عيّد ابوالنوماس من ضرب السنان
عاين لمارد شاف بيهه الرعب بان
گلاله راحت اتموت وکت الفَرِس حان
مالك مفر هليوم وين إتّشرّد
چم ضربه طگه او طاح واسحگ عله الفچ
ضل يرتجز عباس واعله الم دچ
قط للنهر خیال والجابله انشچ
لو منه طار الراس لو یگطع الید
یعني المفر هيهات واعرف صفاته
لازم يوصل الماي لخيم خواته
کبّر عله الجیمان واملك فراته
واترس جربته الماي وابكل فخر رد
جعفر عبدالمهدی العبادی
وحگ جبریل ویه اللي بدولاک
عِشگ منّک یصاحبنه بدولاک
نحب انعیش کل احنه بدولاک
نزورک کل صباح او کل مسیه
الیضدک مچانه ایصیر بدراک
گمر وامضوی افلاک بدراک
العلم یحیی الگلب بادراک
العقول ایتم طردهه الجاهلیه
جعفر عبدالمهدی العبادی
كلنه انصيح ابعالي الصوت ابعالي الصوت
لجل إحسين اشمحله الموت اشمحله الموت
يهوانه اللي عشنه ابحبه او يالعايش بالروح
محلات المشايه ابدربه من نطلع وانروح
لا ماتصعب عدنه الصعبه وِنطِي كل السوح
نتذكر لوعات الغربه نبچیلک واننوح
یا نور الباري الجبار يا ضنوة طه المختار
يحسين ابحبك وإنفوت كلنه انصيح ابعالي الصوت ابعالي الصوت
بأيامك نذرفهه الدمعه تستاهل دمعات
بيهه انواسي أُمنه البضعه بأحزان او لوعات
والناعي لو ضل لك ينعه نرفعهه الونات
كل الدنيه ايكون اتسمعه لحسين الاصوات
ما ردنه الغير او ردناك خلّسنه الكون ابطرواك
خليناهم كلهه إسكوت كلنه انصيح ابعالي الصوت ابعالي الصوت
شافونه العالم واتحدوا گالوا لا تمشون
مشايه اعله الموت اتعدوا طفنه الچم ملیون
احنه ادنه او همّه اتبدوا خلهم خي ايفجرون
والشیعه اسیوف الهم حدوا والکل ینتظرون
خدّامه او خدّام اهرا والمهدی المشایه اتنصره
والكافر يبگه المبهوت كلنه انصيح ابعالي الصوت ابعالي الصوت
طبعا نفدی الروح ابشانه او خصمه النتحدّي
حب احسین الیجری اویانه ابدمنه النتفدّي
یستاهل نرخصله إدمانه او نرخص للمهدي
ارفع چفی او اصرخ آنه الغیرک ما عندي
ما میل الغیرک مولانه انته الکوثر وانته امیانه
عالعالم مولى المثبوت كلنه انصيح ابعالي الصوت ابعالي الصوت
جعفر عبدالمهدي العبادي
من ابو فاضل عله الحومه نزل
لا تسئلونی علیهه اشگد چتل
ناس بالناس ابرکضهه اتردمت
واللي طاحت للممات اتقدمت
يعني تحت الحافر إهيه اتعدمت
ما يِحَصل اجواب عل موته السئل
ما یحصل اجواب طبعا بالطبع
درعم ابوسط المعاره ابلادرع
سیفه ما جرّه او تولاهم صگع
والیصگعه اهناکه بمکانه انشتل
والیصگعه اهناکه بمکانه انعدم
من بعید اعضیده عاین وابتسم
اي كفو العباس شیّال العلم
واخته صاحت یاهله ابزود الکفل
وإخته صاحت ياهله ابموت الرجاس
يرعد او تمطر عله الجيش النُحاس
حتى ملك الموت كضّاه الحماس
يقبض الارواح مو مفرد جُمل
یقبض الارواح مو مفرد عدد
والجموع امن الخصم صارت بدد
صاح جبرائیل وابصوته شهد
لا فتیَ الّا علي وابنه الفحل
جعفر عبدالمهدی العبادی
صاح ألا من ناصرٍ يحمينه
وحده حاير والعده امحوطينه
وحده حاير والعده شبه الدبيب
يا زهير ايصيح مرّه او ياحبيب
ماكو بل انصار اله واحد مجيب
والبَطل یم النهر چفینه
والبطل یم النهر طایح وذر
صاح وسفه اعلیك عباس الگمر
انته نور اعیونی یا ماي النظر
ليش نايم والعده تولينه
لیش نایم والعده اخلافک زلم
زاد بیهم خویه یا خویه العزم
وآنه حیلي اعليك كامل منهدم
واحنه من دونك تره اتعذبينه
صاح زينب جهزي الميمون الي
لاچن ابیاحال ابن حیدر علي
اتگله من بعدك نضل ابلا ولي
گلهه امر الله وامنفذینه
تالي من لاح المهر بيهه انحدر
ضامي چان احسین وانزل عالنهر
من غرف یشرب ینادونه ابخبر
الحگ اخیامک تره امحرگینه
ذبه من چفه او رجع صوب الخیم
ثاري خدعه امن الخصم بيهه افتهم
طفله یابه او گال وین اهل الشیم
شنهو ذنبه وانتم امعطشینه
جعفر عبدالمهدی العبادی
يا منجي الامه المضلومه
یالشخصك معروفه اعلومه
يالتاخذ ثار امن الظالم
واتشيد گبات الفاطم
يامن خصمك يصبح نادم
یشرد و ایذب کل اهدومه
یامن من تظهر واتنادی
علمک یزهر کل الوادی
یا شیمت اهلی او اجدادی
یالجدک تشهدله الحومه
صک بینه الجور انظلمینه
مامش واحد یرحم بینه
جدك متغير كل دینه
والباقي النه بس ارسومه
نقراء مصحف ما نتدبر
والوادم بس تهوه المنکر
إلّه القله او شنهوه التگدر
شتغیّر بالناس النومه
محتاجین الامه الفزّه
او عرش الکافر بیدک هزّه
والمؤمن رجعله العزه
واللايم خله ايكف لومه
#جعفر_عبدالمهدي_العبادي
فاطمه اليعرفهه من عدهه اشعرف
عود من بحر الفضيله اشوي غرف
عود من بحر الفضيله اشويه نال
منهو يگدر یطّلع کل الخصال
إله احمد وي علي او آله الال
هيّه نور الله عنوان الشرف
هيّه نور الله عنوان الصله
يعني دين الباري كلّه إبأكمله
هيّه حرمه او علمتنه المرجله
هيّه والحق صفحه والباطل طرف
هيّه والحق صفحه والباطل كِتَر
يعني ليحبهه یضل یلعن عمر
هذه نور الطاهره ابگبله انتشر
والظلام انزاح من گلبه انکرف
والظلام انزاح من گلبه انگلع
من نهد نور الرضیه اعلیه سطع
یا محب گلی ابذچرهه ما دمع
هيّه دمعة كل مُحب لمّن ذرف
هیّه دمعة كل محب لبگلبه ود
السلام اعلیهه حین التنولد
واحنه کل واحد یضدهه انضد ضد
اله بولایتهه عال اعترف
جعفر عبدالمهدي العبادي
یا ضنوة عجيد الگوم موسى الجعغر الكاظم
معصومه او یبت معصوم علمچ من شخص عالم
من گد ما یحببچ چان سمّاچ ابإسم فاطم
هه اتشفعیله کلمن والآچ اتشفعیله
ابمثل های الیالی النور شع شع بالفضا
والاجانب شنهو صاحت گلنه مولود الرضا
هذه شيخ الشيعه هذه يحمي ناسه امن اللضا
ما تدخل نار السعّاره
جعفر عبدالمهدي العبادي
دعا أمير المؤمنين (عليه السلام) محمد بن الحنفية يوم الجمل فأعطاه رمحه وقال له:
اقصد بهذا الرمح قصد الجمل، فذهب فمنعو فلما رجع إلى والده
انتزع الحسن رمحه من يده، وقصد قصد الجمل
فقال لحمیرا
نزلي امن الجمل والفتنه کفیهه
ترا اگلب بیچ سافلهه اعله عالیهه
وافنیهه الرجال التوگف اتحامیچ
اسویهه السوایه الما امسویهه
هذه آنه الحسن والحومه تحله اویای
و امبرید زلم وابسیفی ماحیهه
لو ارید الفلک عکسا ادوره اندار
آنه الکن یکن من احچی تالیهه
بارینه اقتبس من ناری البرّاس
واشتعلت درک لمن شمر بیهه
حِمّه آنه التصیب التگطع الانفاس
صدّي اعله الشمس لو تگرب اصلیهه
کل خطوه امن اهد بالاف ایرد الجیش
من کثر الرکض گطّعت رجلیهه
جندلت العرب وابرمحی اتعنیت
انحر هالجمل والحربه ادمّیهه
جیبیلی امط شو طلحه مو جدّام
لو عندچ زلم للملگه جیبیهه
مابیهم سبع والعنده گلب احدید
بیدی المعرکه او بس آنه راعیهه
جنّه امن الچذب واعدتی های الناس
واسنینچ دغش وابحیله عشتیهه
وانگابچ سگط وجهچ بعد ینشاف
حیدر منتصر وانتی الخسرتیهه
وین اهل الکتب خل تکتب الکتّاب
هلیوم الحسن هالفتنه یگضیهه
هلی المنکر تقف ضده فتنهه
ونه اچفوفي زلم صلبه فتنهه
حمیرا الیوم اخلصهن فتنهه
واخلي الدم خضاب السمهریه
جعفر عبدالمهدی العبادی
درباره این سایت